|
Olav Mannslagar
Mannslagar-soga slik ho er nedskriven etter Lavrants Rui. 1907. Den 17de Mai.
Olav Mannslagar
På Garvik utpå Seljordsstråndi budde det eingong ein mann som heitte Olav. Han va’ ein vælakta mann yvi heile gjeldet, denne Olav’n, og snill og godgjerans va’n au.
So va’ det ein kveld det kom ei fatigkjering til Garvik. Ho bad um hus til notti, og det fekk ho. Men allbest ho sat, so sat ’o og sukka so tungt, kvar gong ho såg burt på Olav.
”Hosse er det med deg, kjering”, sa Olav, ”er du sjuk, hell’ hott er det som fattas deg?” sa’n.
”Nei, eg er ’kje sjuk”, sa ’o, ”men eg tyss so vondt um deg, Olav”, svara ’o.
”Meg tar du ’kje synas vondt um”, sa Olav, ”eg er fresk og færug, so meg leitar det ’kje på”.
”Ja, det kann so vera det”, sa kjeringi, ”men for deg stend det ei stor ulykke fyre eingong i live”, sa ’o.
”Hosse kan du vita det?” spyr Olav.
”Jau – det veit eg”, sa kjeringi, ”og eg ska jønne syne deg det au”, sa ’o.
”Ja, kann du syne meg, hoss det skal gange meg i live, so ska du ’a få losement her i nott, og mat og drikke skal du få, og endå ei gåve etterpå, lengst du orkar å bera ’o”, sa Olav.
 |
|
Lydopptak fra gamle dagar
På videoarkivet.no kan du finne mange gamle historiar med personar i Seljord og omegn.
Lydopptaka er gjort av Ragnar Haugstøl, på oppdrag frå Seljord kommune, i tidsrommet 1977 til 1981.
Kvaliteten er varierande (digitalisert fra gamle kassettar), men sett deg godt tilbake å nyt dei 36 timane som er tilrettelagde.
Klikk her for å høre lydopptaka på videoarkivet.no
|
|
Gonil Dale
Halvor J. Sandsdalen skriv: - Den vakraste segni eg har frå Seljordshei er forteljinga om Gonil Dale. Ho vart bergteken ein dag ho gjette i Gåsebrekka, oppfor Fiskhøl. Ho var dotter til Nils Dale. Han fekk prestane i Seljord, Brunkeberg og Kviteseid til å ringje med kyrkjeklokkene for om mogeleg få henne fri att. Men det nytta ikkje.
|
|
Guro Heddelid
Namnet Guro Heddelid er knytt til Grunningsdalen- Meir enn noko anna har soga om henne gjort dalen kjend. Denne kvinna til hest som framleis rir gjennom dalen i dikt og dram-.
|
|
Gygrene i Flatdal og Sybylla og flodbølgja frå Spådomsnuten
Ei gyger (gyver) og ein jutul budde i eit berghol i fjellet Skorve, som har namnet Gyvreholet. Dei hadde dyra sine på beite oppi bratte Skorvefjellet og gjekk opp og ned i ulendet etter mjølk, smør og ost.
|
|
Kivlemøyane
Attende i tida var det truleg berre ein gard i Kivledalen. Seinare kom ei heil grend med mange bruk. Med det flugbratte Skorvefjellet og den fossande Kivleåi nedi Juvet, lærde dei å nytte ut goda som nya seg oppatt.
|
|
Sterke-Nils
Forteljingane om Sterke-Nils knyter seg til at dette var ein kar som var ualminneleg sterk. Det gjekk gjetord om alle hans kartak og prestasjonar. Men soga teiknar også biletet av ein hjartevarm, snill og handing kar. Sterke-Nils stoga står idag på Dyrskuplassen. Her vert det kvart år framført spelstykke og små dramatiseringar som teiknar tidsbilete og hendingar frå livet til sterke-Nils.
|
|
Hølje Gonge
Hølje Gonge (18.. - 1889) budde på plassen Gonge på Seljordshei. Han var lam og levde llivet sitt bunden til kubbestolen. Likevel var han kunnskapsrik og handig, heldt aviser og var den i lokalmiljøet folk kom til for å spørje nytt frå verdi omkring. Han vann pris for god treskjering på verdsutstillinga i London i 18.. Gongestogo står idag på Dyrskuplassen. Her vert soga om Hølje formidla kvart år gjennom forteljingar om livet hans og huset vert nytta til utstillingar av handverktradisjonar
|
|
|  |
